| Onderrig en opleiding stop nie sodra die matriekeksamen afgehandel is nie.  By Hoërskool Overvaal streef ons daarna dat leerders na skool die wêreld kan betree met selfvertroue, kennis en lewensvaardighede.

| Na afloop van die Nasionale Senior Sertifikaat eksamen in 2020, is Hoërskool Overvaal geïdentifiseer as een uit agtien skole in Gauteng wat ‘n 100% slaagsyfer gehad het.  Die Departement van Onderwys het DIE wenresep kom soek, en tot die gevolgtrekking gekom dat die rede agter hierdie sukses grootendeels gelukkige kinders en gelukkige onderwysers is.

| Om doelgerigte en doeltreffende onderrig te verseker, is daar in elke klaskamer ‘n oorhoofse projektor en wifi.  Onderwysers maak ook gebruik van “visualisers” of “E-beams”.  Leerders ontvang elkeen ‘n Wifi kode om toegang tot die Wifi te verkry op die skoolterrein.

| Ons het aansoek gedoen by die Departement van Onderwys om nog so paar opwindende vakke aan te bied.  Ons sal jou op hoogte hou van hulle goedkeuring!

““Ons vertrou op die Here: Hy is ons hulp en ons beskermer.” – Psalm 33:20

© h/s overvaal 2021 alle regre voorbehou